નહીતર રે’જો તમે કોરા .

એવા તે રંગમાં રંગાવું શું ?સખી લાગે નહીં જે કદી ઘેરા,
રંગાવું હોય તો રુદિયાના રંગમાં , નહીતર રે’જો તમે કોરા .

જીવતરની કાચી કુંપળને કદી ફૂટે જો ફાગણ ના ફૂલ !
તો ખૂશ્બોના હિંડોળે બેસાડજો ઘડી ,ને પછી ગમતા ને કે ‘જો કે ઝૂલ !

મોકો મળે તો સખી ખીલવાની મોંસમ માં ખૂલી જજો પુરા ,
રંગાવું હોય તો રુદિયાના રંગમાં , નહીતર રે ‘જો તમે કોરા .

પાંપણ ની ડાળખી ને ઉગે ઉજાગરા તો શમણા ને દેજો રે પાંખો !
લથબથતી લાગણી ને ઢોલિયે બીછાવજો ને પનઘટે બેસાડજો આંખો!

હેતઘેલા હૈયાના જોજો ના રહી જાય ઓરતા એક્કે અધૂરા ,
રંગાવું હોય તો રુદિયાના રંગમાં , નહીતર રે ‘જો તમે કોરા .

-વર્ષા બારોટ

અબરાર શેખના મુક્તકો

જલ્દી ન કરના મેરે જનાઝેકો સુપુર્દે ખાક કરનેકી
મેરે દોસ્તોકી આદત હૈ દેર સે આનેકી

*********************************

કોઇ યુહી તો દીલમે બસતા નહી “અબરાર”
જરુર તુમ ભી અકેલેમેં બૈઠ કે રોયે હોંગે

<><><><><><><><><><><><><><><><><>

સાથ હમસે છુડાને કે લીયે બહાને ક્યું કીયે
એક ઇશારાહી કાફી થા મુઝે મારનેકે લીયે

==================================
દીલસે દર્દકા રીસ્તા તો પુરાના હૈ
કભી છલકતા હી નહી યે વો પેમાના હૈ
**********************************

હે તુચ્છ માનવી, તારી શું વિસાત આ ધરતી પર
વનવાસતો રામે કર્યો, સમયને માન આપી
નક્કી અસ્ત થશે તારો સુર્ય પણ “અબરાર”
શરણું શોધી લે,સમયને માન આપી

બસ એક વાર…

બસ એક વાર
તમારી પાસે મારી કોઈ જ
માંગ નથી.
બસ,
મારે તમને એટલું જ કહેવું છે
… કે
જયારે તમે હિંસા તરફ વળો
એ પહેલા,
બસ એક વાર
ફૂલોના ચહેરા જોજો
કોઈ પંખીનું ગીત સાંભળજો
રમતા બાળકોમાં થોડું રમી લેજો
વૃક્ષોને વહાલ કરજો
મજુરી કરતા ગરીબ લોકોની વચ્ચે જઈ
છુટ્ટા હાથે થોડાક ચુંબન વેરજો
આકાશને બાથમાં લેજો
ખેડૂતોના હાથ-પગમાં ચોંટેલી માટીમાં
આખા વિશ્વને જોજો
ને છેલ્લે
આ ધરતીને સલામી ભરજો
બસ એક વાર
હિંસા તરફ વળો એ પહેલા…
-વર્ષા બારોટ
(નવનીત સમર્પણ ડીસેમ્બર ૨૦૧૧ ના
અંકમાં પ્રગટ થયેલ કૃતિ)

सवाल है

आज हींदुस्तानका अजीब सुरते हाल है
सफेद चोरोसे पुरा देश आज बदहाल है

गर उंगली उठाइ यहां कीसी चोरके खिलाफ
अन्ना जेसोका यहां पर जीना मुहाल है

होगा अब क्या इस वतनका ऍ दोस्तो
अंधेर नगरीमें ये सबसे बडा सवाल है

आज चारो तरफसे लुटेरे जुटे है लूटनेमें
हालात ये देखकर,अब आझादीको मलाल है

‘अबरार’यही देखाता सपना हमारे पूर्खोने ?
हमको लूटनेवाला,हमारी ही मिट्टीका लाल है

अबरार शेख…पालनपुर

તું રહ્યો કાનજી કાળો ને………

તું રહ્યો કાનજી કાળો ને હું તો છું ગોરીગોરી રાધાની જાત,
આપણો સંબંધ જાણે ચાંદની મઢેલ પેલી પૂનમની અજવાળી રાત!

રોમરોમ આવી જાણે વૃંદાવન બેઠું
એમ જાતને ઘેલી મેં કીધી,
નસનસમાં વહેતી થઈ લાગણીયો એમ
આખી યમુનાને આજ મેં પીધી.

આઠેપહોર મને ઘેનમાં ડુબાડીને જોજે પાછો કહેતો ના કોઈને તું વાત,
આપણો સંબંધ જાણે ચાંદની મઢેલ પેલી પૂનમની અજવાળી રાત!

સોળસો ગોપીયોથી ઝાઝેરા શમણાઓ
આંખોની ગલીયોમાં ખેલે છે રાસ,
સૌ રે શમણાઓ હવે સાચુકલા થાશે
એવી હૈયામાં ઝીણીઝીણી જળે છે આશ.

પાંપણ ખુલી ને મારે આંગણિયે જોઉં તો ગોકુળિયું લઈને આજ ઉભું પ્રભાત!
આપણો સંબંધ જાણે ચાંદની મઢેલ પેલી પૂનમની અજવાળી રાત!

વાંસળીના સૂરમાં તેં રેલાવ્યું હૈયું
ને કદમ્બનું વૃક્ષ થઇ હું ફાલી,
નોતું જાણ્યું કે જાત ગોવર્ધન થાશે
મેં તો અમથીઅમથી તારી આંગળીતી ઝાલી.

ભવભવનો સાથ હવે છૂટશે નહિ રે ભલે ફરીએ ના ફેરાઓ સાત,
આપણો સંબંધ જાણે ચાંદની મઢેલ પેલી પૂનમની અજવાળી રાત!

-હેપ્પી જન્માષ્ટમી
-વર્ષા બારોટ